Blog send_er

sekaghang ni dah tigo haghi bukak skolah… haii..macam-macam ragam
bebudak skolah ni…kojo skolah tak siaplaa..ado yg berjahit dahi
eh …iyolaa cuti2 ni laa nak tunjuk stunt eh…

masuk jo koleh darjah duo pagi tadi, cikgu disambut dongan joghitan
(jeritan) bebudak koleh…suko bona datang skolah agak eh….maso
cikgu ambik kedatangan, datanglaa sorang budak ni, namo eh
syaibah…cute bona budak niee…putih molopak…tokojot cikgu nengok
muko eh…elok2 putih bersih dah habih luko luko….toghuk jugaklaa
muko eh… dio plak dongan muko slambo eh cakap’cikgu, saya kene
sumpah’….cikgu pun heran gak…cikgu tanyo dio’ ekau kono sumpah
dongan sapo?… dongan tersongeh2 dio jawab’ saya kene sumpah dengan
syaitan’…. tergolak bosaaa cikgu kek situ jugak…macam ghaso eh
nak guling guling kek lantai…iyolaa..kito tak sangko jawapan mcm
tue…pastu muko eh pulak toyaaaa jerrr….cikgu tanyo, macam mano
buleh kono sumpah?…dio cakaplaa yg dio main kek luar sampai pukul 7
mlm tak balik balik… sonjo tu dio pun kono sumpah dongan
syaitan ..namo syaitan tu syaitan air liur…macam nak pocah poghut
cikgu golak….cikgu tanyo balik..sapo cakap ekau kono sumpah?..dia
jawab’ibu yg cakap’…alaaahaiii…mcm nak krem otot poghut cikgu
golak an dio..

abih jo ngajar koleh ni, cikgu bagilaa kojo suh buek..latihan utk
matoplajaran haghi tu…pastu tetibo cikgu dongar ado sogho (suara)
budak melalak…cikgu pun tanyo laa..apohal ni nangis nie…dio cakap
yg tangan eh kono cucuk ngan pensel… cikgu tanyo budak yg mencucuk
ni, aposal ekau cucuk tangan dio?… dio jawab’sajerr jeee..nak test
pensel tu tajam ker tak…pensel ni baru beli ni cikgu’…masya
Allah…takdo tompek lain nak mengetest pensel eh…budak ni pulak
mmg tak makan saman…cikgu nasihatlaa jgn cucuk kawan…nanti kalau
kene mata, buta…awak nak ganti mata awak dengan mata dia?…taknak
pulak deh….

abih jo koleh darjah duo, cikgu poie darjah satu plak…masuk masuk
jo, cikgu nampak ado budak yg beghonang ateh mejo…ado yg menyuruk
bawah mejo laa..beghonang kek lantailaa…cikgu pun bising laa…abih
kotor sluar baju …. cikgu tanyo, ni aposal ni beghonang kek atas
lantai ngan mejo nie?. yg soghang kato nak praktis masuk
olimpik…nak dapekkan pingat omeh…yg soghang laie nak jadi tentera
PASKAL…hehehehehe….cikgu tanyo, macamano ekau tau PASKAL?..dio
tgk majalah tigo..abah eh tape an…ado cito tontang PASKAL ngan
PASKAU… tu yang asyik boghonangg jo ateh mejo…dio kato nanti dah
bosa sonang…tak payah blaja boghonang laie….aduhhh….sosek napas
cikgu ni hah… nak golak poghut dah krem…

tongah tongah ngajar, ado soghang budak ni berlari sambil melompek
lompek pogang zip sluar eh poie ko cikgu..cikgu tanyo aposal ekau
ni..bughung kau tosopit(tersepit) laie ko?..(budak ni mmg slalu
tersepit burung kek zip)..dio cakaplaa dio nak poie tandass…dah tak
tahan… sambil dio cakap sambil dio main zip sluar eh..bukak tutup
bukak tutup…cikgu pun bagi laa dio poie …mencicit dio laghi
koluar…tiboo jo kek dopan corridor, dio boghonti…sambil kopit2
kaki eh…cikgu pun heran gak…cikgu poie kek dio, tanyo aposal
ni..kato nak poie tandeh?…dio kato, dah nak kluar ni cikgu, kang
jalan kang musti dio kluar….cikgu pun tak buleh nak buek apo..kang
suh dio jln jugak kang..berteghaburlaa pulak koncing eh…ontah
macamano pulak adolaa pulak budak koleh sobolah berlaghi kek korridor
tu..tak sompek nak brekkk laanggarlaa pulak anak murid cikgu yg
tongah berusaho menahan air eh kluar…apo laiee..berteghaburlaaa kek
ateh korridor tu…aduhhh..poning kepalo cikgu..last2 makcik cleanerr
jugak yg kono borsih an…

kalau ado maso laa..cubo poie sekolah anak2 waktu rehat…macam macam
peghangai…ado yg tertumpah kuahlaa ateh kepalo…mano yg duit
ilanglaa..mano yg tak ambik duit baki… macam macam… paagi tadi
maso cikgu poie kantin, cikgu nampak satu inciden ni.. ni maso rehat
tahun 1 dan 2. ado soghang murid lelaki ni, tongah duduk sambil makan
hot dog kot… pastu adolaa murid pompuan bawak mee kari lalu kek
belakang dio… dio plak bawak mangkuk tu sambil tatang ateh kepalo
si mamat nie…ontah camno mangkuk tu tergelincir kott abihh tumpah
kuah eh kek ateh kopalo mamat ni…yang bes eh..murid pompuan ni suh
si mamat ni bayar ganti rugi sobab kuah eh tumpah kek ateh kepalo si
mamat nie…adoo ko patuttt..bergaduh2 suh bayar..sorg suh
bayar..sorg laie taknak bayar..iyolaa sapo nak bayar..dahlaa kuah
tumpah ateh palo…tetibo kito plak kono bayar…mano si mamat tue
nak.last2 kes ni bawak ko bilik penolong kanan sobab eh dah bergumpal
ateh lantai kantin….alaahaii… cikgu maleh dah nak layan…
bebudak ni peel eh mcm mcm… kdg2 kito pun tak terpk bondo kocik leh
jadi bosa…

oklaa…cikgu nak poie skolah jap… nanti kito jumpo laie yoo….